فى هذا المقال سيتم عرض الأخطاء الشائعه التى يتم الوقوع بها و تتسبب بإهدار الميزانية الاعلانية
مثل اختيار وقت غير مناسب للمنتج ألى بيتم الإعلان عنه أو العميل فيه مش فاضى أصلا يهتم ويتابع الكومنتات والردود ألى بتجيله
أو إختيار قنوات غير مؤثره بهدف تواجد اسم الشركه بكل مكان دون النظر للجمهور المستهدف موجود فعلا بالقنوات ام لا
أو صرف البادجت بهدف الحصول على عميل جديد ونسيان العميل القديم وده ممكن يحملك تكلفه أعلى وممكن جدا متحققش نتائج ده غير انك ممكن تخسر عميلك القديم
أو عدم إنتظار النتائج … زى ان عميل يغير خطته بالكامل أو يصرف فلوس أكتر لمجرد انه محسش بنتائج مرضيه أول ما بدء الكامبين
كل الحاجات دى بتكلف العميل أو الشركه المسوقه بادجت أعلى دون الحصول على النتائج المرجوه
وفيما يلى سرد لل5 أخطاء بالتفصيل لتجنبها أثناء التخطيط للحملات والميزانيات الاعلانية
- Timing
تحديد عامل الوقت مهم جداً قبل صرف الـ Marketing Budget. لأن ببساطة ممكن يكون عميلك مشغول زي وقت الأعياد أو الإمتحانات، ومش مهتم بالـ Marketing Message خصوصاً لو طبيعة البراند الخاص بيك مش ضرورية للعميل فى وقتها، وبالتالى هتصرف ومش هتحقق النتيجة المتوقعة
- Loyalty
شركات كتير بتقع في غلطة صرف الـ Budget بهدف الحصول على عميل جديد، وبتنسي تقوى علاقتها بالعميل الحالي والنتيجة إنها ممكن تتحمل تكلفة أعلي .. لازم توجه جزء من الميزانية للحصول على عميل جديد، وجزء تاني لعميلك الحالي وبكده هتحافظ على ولائه ليك وتحوله لعميل دائم لمنتجك
- Change
أغلب الشركات خصوصاً فى مجال العقارات بتركز على طرق ترويج واحدة لصرف الميزانية زي المعارض أو الجرايد، وبتتجاهل طرق تكلفتها ممكن تكون أقل وفاعليتها أكبر، وده بيضيع فرص ممكن تحقق لها ROI أعلى، جرب طرق جديدة واعرف عملائك موجودين فين وتحاول توصلهم
- Results
بعض الشركات أول ما تجرب أدوات جديدة فى صرف الميزانية، بتتوقع نتيجة سريعة وبالتالي ممكن تلغي أو تغير خطتها بالكامل قبل ما تتأكد من النتائج اللي ممكن تأخد وقتها، وبتضيع على نفسها فرص عظيمة فى السوق. لو هتجرب طريقة جديدة لازم تصبر على النتيجة ويكون عندك أدوات واضحة لقياس النتيجة
- Places
التواجد مش معناه صرف الـ Budget على Channels مش مؤثرة بهدف تواجد الشركة في كل مكان ، دون النظر عن فعالية كل Channel وهل موجود عليها عميلك أو لا.. وبالتالى بيحصل تهدير.ضرورى جداُ إنك تركز الميزانية في الأماكن اللي موجود فيها عملائك وتتأكد فعلاَ من فاعليتها
